【廉航攻略】如何最有效最快捷搶購平機票

對於精打細算嘅我黎講,搶平機票我都有些少經驗,口講無憑,↓有圖有真相↓
 
▼3月17-22日2人來回東京羽田機場+1件來回20KG行李=$1666( 平均1人$833)
不過講真呢張機票雖然平,但時間唔算好

 
▼4月15-19日2人來回關西機場+1件來回20KG行李=$1654( 平均1人$827)
呢個除左平之外,時間亦都好靚!早機去晚機返

 
▼5月10-14日2人來回東京羽田機場+1件來回20KG行李=$1648( 平均1人$824)
零晨機去零晨機返,對我而言係非常靚嘅時間,但我知道對部分人士係地獄時間

 
你問我點解全部都係HK Express嘅機票?因為HK Express嘅機票係最抵同埋去日本嘅班次及航點係最多,就係咁簡單,所以我都只係會話你知我搶HK Express機票嘅心得!我唔排除其他日本廉航例如香草,樂桃個啲都會推出一樣咁抵嘅機票優惠,但真係少,而佢地好多時推出嘅優惠連稅連行李之後每人來回價都要過千,所以我都係集中留意香港快運!
咁究竟我搶平機有咩心得?如果你喺2015年問我,我就會答你一個長編大論嘅答案,包括準備好多個瀏覽器,死唔斷氣係咁SEARCH,先買單程票等等等等
 
但自從2016年起,我就改變左我嘅答案,要最有效最快捷搶到平機票方法只有一個,就係買香港快運年頭推出嘅「U-FLY PASS」!!
 
▼U-FLY PASS就係一個優先購票權,可以提早最多6小時購票,無須再等待優惠開始後與公眾同時搶票,更容易購得理想旅遊日子嘅特價機票!
佢寫原價係HKD 888,但官網而家仲可以以優惠價HKD 588購買(BTW我係最早買個批只需HKD 388

 
▼其實U-FLY PASS一出個時我同好多人嘅感受一樣,就係覺得有啲掠水成分,但後來發覺真係好值得買!
買左之後,搶平機票變得不一樣,由以前成日入唔到個網變成好順暢,由以前㩒極都冇平機票變成勁多平機票,感覺非常良好!

 
所以,唔講太多,如果你覺得自己一年內起碼會去2次旅行,又想搶到平機票,咁你就一定要買U-FLY PASS!$588嘅投資真係唔算貴。
而家Ufly-Pass 優先購票證有效期至2016年12月31日(所以早買早享受);但唔代表出發日期至2016年12月31日,係購買日期至2016年12月31日,即係你可以2016年12月31日前買2017年9月嘅機票都得!
 
咁有冇人係唔適合買U-FLY PASS?有,就係個啲只會旺季先會出遊嘅人,因為HK Express嘅平機票係極少喺假期前夕有。
 
仲有一點要留意,平機票通常零晨12點開賣,U-FLY PASS就可以早6小時即係6點鐘開始有得賣,但因為買U-FLY PASS嘅人越黎越多,唔好坐定粒六以為只要12點前任何時候入去都大把平機票,我建議你都要準時6點入去搶,因為我真係試過9點先入去已經冇晒靚位了T^T
 
---------------
 
另外,HK Express岩岩又出左一樣新野叫「reward-U獎賞計劃」,係一個獎賞兌換制度。即係以後買機票可以儲積分!

 
▼只要喺官方網站www.reward-U.com登記成為reward-U會員,就可以開始累積積分,每消費港幣1元即可賺取10 reward-U積分!

 
▼累積滿40,000積分,reward-U會員便可以下個月起開始兌換機票同各種增值服務。 而家登記仲可以補發返2016年1月1日起搭乘HK Express航班及惠顧指定增值服務而可賺取嘅積分。 

 
▼除此之外,reward-U仲有一個特別地方,就係有專為一家大細同朋友而設嘅reward-U 小隊賬戶,讓小隊成員可以共享積分,更快更容易咁換取下一次嘅飛行旅程。reward-U小隊最多由5人組成,包括1位獲提名的 「隊長」 來代表他或她的隊員全權管理和兌換積分。 

 






© fun.foodpara.com 2024   |   Privacy Policy