砌機仲落黃金?網上幾個 Click 攪掂 + Notebook 都有得 DIY

講起砌機,唔少較年輕的 人都未必會試過親身落黃金,相比起早十年,要搵一部可以打機的電腦,基本上真係要落黃金或者灣電走一轉,逐間舖頭拎砌機 List 慢慢睇,睇完後可能要求換更強功的 CPU,HDD 又要換隻更高容量,要打機顯示卡就當然越勁越好。當決定砌機 List 後就要再等個多小時才可以取機返屋企。回家後,電腦都未必可以即時用,因為要裝 Windows 又要裝 Drivers,最離譜就是遇到無良黑店,以往都曾經出現過硬件被人更換的情況。

Notebook 都可以 D.I.Y.?
最近同個朋友傾開,近期希望換過一部電腦,叫小編給他一點建議,由於他最近轉了一份新工作,將要經常到不同地方出 Trip,所以 Notebook 會是最合適的選擇,可惜他到過不同的電器連鎖店或電腦商場,都依然未能找到一部合心水的 Notebook。市面上 Notebook 的不足在於不少硬件規格在出廠時都已經固定好,可以讓用家選擇的升級選項並不多。
一般來說,只可以讓大家升級硬碟或記憶體容量,不似 Desktop 可以有更多的選擇。以往,在黃金電腦商場曾提供過 Notebook B.T.O.(Build to Order) 服務,亦即是類似 D.I.Y. 砌機,大家可以選擇不同的處理器、記憶體、硬碟、熒幕甚至是加入顯示卡,要打造一部 Gaming 級 Notebook 都得,最重要售價比同級廠機便宜不少。但同樣地,Windows 和硬件的驅動程式要自行安裝,加上保養問題,近年已經再沒有 Notebook 的 B.T.O. 服務。

主流廠機升級缺彈性
大家只要到各大電器連鎖店或電腦商場走一圈,都不難找到數十款不同型號的 Notebook,好多時只會喜歡 A 機的外型夠輕夠薄;B 機的硬件規格;C 機仲可以打機,但現時大部份品牌機,就缺少了這方面的彈性。可以滿足到打機的 Gaming Notebook 往往不會又輕又薄,並不適合朋友帶出 Trip。至於好似 2-in-1 這類機確實又夠輕又夠薄,但效能上又未必能滿足到他工作上需要繪圖的要求。



Lenovo 全新 C.T.O. 服務


一時之間,要幫朋友揀一部可以滿足到他需要的 Notebook 亦有難度,Lenovo 近期就推出了一個全新的 C.T.O.(Customize to order)服務,亦即是 Notebook 砌機服務,朋友只要到 Lenovo 的網站, 當選擇電腦時就會見到不同的升級選項,更覆蓋不少 Lenovo 旗下的產品,由文書機到 AIO 系列都有。





揀 Config、付費、送機一條龍


整個選擇過程相當簡單,例如喜歡 ThinkPad X1 Yoga 的輕薄設計,加上可以將熒幕旋轉至不同角度變身為 4 種不同使用模式,對於朋友要經常出 Trip 確實是十分適合。之後,就可以按需要再選擇不同的硬件配置,由於他從事繪圖工作,所以對運算效能要求會較高。





處理器方面就可以升級至最高 Intel Core i7-6600U,記憶體當然要選擇 16GB。圖像編輯往往對熒幕的要求較高,因此同時將原有的 1080P 熒幕升級至 OLED,望落色彩更鮮艷層次更分明。當然,每個圖像的容量都非常之大,原有的 128GB 絕對不夠朋友用,所以就可以選擇升級至最高 512GB,如果預算容許的話,更可以選擇 PCI-e NVMe 介面的 SSD。



除了硬件之外,軟件方面亦都可以自訂,例如可選擇不同版本的 Windows,加上工作上的需要亦會用到文書工具,因此可同時選購 Microsoft Office,所有軟件均會在出廠時為用家裝好,收到機就開機就可以用。






其實在選擇不同配置的時候,系統會即時更新價錢,當確認所有軟硬件後,就可以選擇保養服務,除了首年基本保養服務之外,選擇較貴型號的朋友,就可以選擇升級至 4 年上門取件維修服務及意外損壞保障,其實更長的保養期都有,但需另行購買。在確認訂單前,如果有需要更可以選購各種周邊設備,例如 office、keyboard、mouse、火牛、光碟機、電腦袋、Notebook 架甚至是外置熒幕。最後,就可以直接利用信用卡網上付款並輸入送貨地址,等候大約 4 個星期,自訂 Notebook 就會直接送到府上。






辛尼評論:部機一定啱自己要求 但越砌就越貴


Lenovo 推出這個 C.T.O. 服務,十分適合對 Notebook 有不同要求的用家,可以完全按照自己的需要而選擇最合適的硬件組合。由於 Notebook 最終都是由 Lenovo 原廠組裝及送貨,因此無論質量和保養均與購買其他 Lenovo Notebook 無異。不過,好多時大家為了日後升級的不便,或者都會選擇比較高的規格,因此最埋「埋單」價都一定較高。





© fun.foodpara.com 2024   |   Privacy Policy