同左一個35既男人拍拖,真係好辛苦。。。

我22歲,同左一個35歲既男人一齊
佢係我既初戀,一齊左大約一個月
我好珍惜呢段感情,雖然我同佢識左唔係好耐,但我真係好鍾意佢,努力地扮演一個好女友既角色
我知道佢鍾意自由,所以我從來都無干涉過佢參加任何活動,(佢好鍾意去PARTY 識人)
而且唔會每日都傾電話,我只要得閒WHATSAPP下就會滿足
但我開始發現,佢無我著緊佢咁著緊我....
每次都係我主動WHATSAPP搵佢先應機....平時佢放LUNCH或放工都好少會主動搵我
可能佢性格係被動掛? 所以我都好努力咁做主動既角色....而且我會主動講I LOVE YOU,I MISS YOU~
不過佢從來都無同我講過..... 最多只係答ME TOO
我知道可能係其他人眼中,我咁既諗法好天真好幼稚,唔應該CARE係呢D表面上既甜言蜜語...
但係係行動上,我真係唔係好感受到佢有幾鍾意我.....

我真係好鍾意佢,所以我會整小禮物比佢,又織左一條頸巾比佢....
我唔係想佢有物質上既回報~
我只係希望佢會有時忙完之後想起我,掛住我,好奇我做緊乜....
但可惜佢唔會,亦都不聞不問..... 放左工..一個WHATSAPP都無... 返到屋企...有時會WHATSAPP我話返到啦...但有時又唔會.....
我真係好辛苦....
我想知道...35歲既男人,其實係諗緊咩野?
定係佢都係玩玩下...無真正鍾意過我

——————後續————————
諗左好耐,終於決定比自己一個機會,同佢講出我既想法,我想要D咩....
佢有應承會再多D關心我,不過回應有點HEA......
最後我問佢其實係諗緊咩野...佢就同我分手了...
因為愛過,才會傷過,痛過.....
我不知道佢會唔會傷,會唔會痛,會唔會不捨...
不過我覺得一切都已經唔重要了...
亦都有點感謝佢自己提出分手...