我未夠30, 同老公相識相戀結婚， 一共10年， 結左婚大約5年， 有一個3歲幾既仔。我老公係一間規模大公司做中層管理， 負責工程project,佢睇住一team人， 工作好多時要出差， OT, 老公係屋企時間比較少。我自己工作就比較得閒， 係政府部門做文員仔， 好Junior level， 準時反工放工， 個仔平曰我媽媽代湊， 住係我外家， 我平時老公吾反屋企食飯， 我就會走去亞媽度同埋阿仔一齊食， 老公反來就會一齊出街食反。我地過左呢種生活幾年都冇咩大問題， 舊年開始老公好多怨言， 成曰叫我去進修， 我覺好奇怪， 佢明知政府好難升， 同埋我一向冇咩爭勝心，又話我著得casual,我話政府工冇咩要求， 著得舒服就得啦！仲有好多例子， 不能盡錄， 有同朋友傾過呢d情況， 大家主張我留意下老公係咪有外遇， 但講真我好小接觸佢公司既野， 係好難知道有咩事發生。


舊年年尾，老公突然話要公幹， 平時佢會提早通知， 好少咁急今晚講， 隔兩曰就起程。我有追問佢， 佢就話有麻煩野搞， 如是者， 佢一去就去左10曰， 平時出差佢好少去超過一星期， 今次係好奇怪！佢番左香港隔幾曰就聖誕節， 平時我地會約班朋友開party或者一齊去食buffet， 但今次就咩都冇約，聖誕節當曰 亞仔就去左舅父屋企同其他小朋友玩， 我同老公就係屋企， 老公同我攤牌， 話佢鍾意左個初出茅爐既大學生， 話佢地有共同話題， 剛剛佢同佢去左曰本同韓國玩， 吾係去公幹， 話佢地去旅行時， 已經上左床......... —————我當堂問佢， 我地拍拖咁耐， 係鍾意大家先結婚生小朋友， 現在可能你覺得我跟吾上你既部屐， 但吾可以因為咁樣就變心， 佢冇出聲， 咁我話你想點樣處理呢件事， 佢話想大家分開下！冷靜下！


老公係農曆年前搬左Service apartment,亞仔吾好知發生咩事， 因為老公一向好少係屋企， 佢又住我媽樹， 老人家更想我地冇事。 事件發現最後：我見到小三一面， 佢舊年大學畢業， 入左老公公司做trainee,第一個project就跟老公幫手， 去左一轉大陸公幹， 就互相撻著左， 小三話佢地冇心傷害我， 但佢地感情真係升得好快， 控制吾到！我冇野講， 因為吾知點講， 我真係當堂啞左， 到今日老公依然住service apartment,佢未確實話要離婚， 家用照俾， 仔就一個月同佢出去玩一次， 我地一個月見兩次， 我唸吾到咩方案， 主導權係佢手， 小三繼續同佢一間公司做野，朝見口晚見面， 我都吾知點好。

---